Day 1069 4月18日
- jackytora3809
- 2021年4月19日
- 読了時間: 1分
最近做緊啲展覽會嘅器材組裝/拆件嘅part time，今晚原定10點完，但8點半已經執靚哂個場。早走，人工照逗。
呢啲炒散嘅工，一經登記之後就會有email過嚟，得閒去就應機。幾個leader最少會有一個在場，其他嘅人次次都唔同，又有其他唔同公司嘅人一齊砌嘢拆嘢搬嘢。一班烏合之眾，有正職有炒散，有新手有老手，一齊做同一個task，新人們只能喺混亂中摸索秩序。其實唔難，唔識只要問就得，搬唔郁唔搬都得，唔好整爛嘢至係天條。
今日有個光頭嘅肥仔哥哥，似乎係話事人，好多時我問leader「跟住有咩做？」leader就話「你去問個光頭佬啦。」所以就幫肥仔哥哥收拾咗幾樣嘢。後來有啲空檔，佢問我係唔係關西人。我答我係香港人XD 原來今次呢批器材係佢喺關東揸車運過嚟。佢早幾日缷完貨之後，就將架車泊咗喺伊丹機場附近，然後飛返關東，今日又搭飛機過返嚟大阪，揸車載返啲嘢走。佢話，non-stop嘅話，返到去大約2點，即係而家都未返到。
祝佢路上小心。有緣再見。
コメント