今日又同室友去附近睇LIVE。本來聽講係會用豎琴奏日本演歌所以有啲興趣，但係演奏者自己話會玩啲好激嘅動畫歌，仲即刻嚟一首EVA《魂のルフラン》，渾厚嘅唱功加上清脆琴音，感情洶湧澎湃。以專業水平玩動畫歌曲，令人非常滾動。
咁新潮嘅玩法，喺呢個咁傳統嘅社會，一開始好難被接受。佢話，佢當時被豎琴業界排斥，啲古典音樂嘅人叫佢唔好咁玩，甚至有人寄教學影片俾佢叫佢睇住嚟學，擺明落面。不過，佢頂住各方壓力，一路以來始終如一，而家周圍演出，學校、老人院、酒吧、婚禮都去，忙起上嚟一日走幾場。8月仲有動畫歌曲event❤
得到演奏者同意，公諸同好。